1 րոպեի ընթերցում
Սաուդյան Արաբիայի հակաօդային պաշտպանությունը որսացել է Իրանի կողմից արձակված երեք անօդաչու թռչող սարք։ «Արմենպրես»-ի փոխանցմամբ՝ այս մասին հայտնում է երկրի պաշտպանության նախարարությունը։
Նախարարության խոսնակ, գեներալ-մայոր Թուրքի ալ-Մալիքին հայտարարել է, որ իրենք 2026 թվականի մայիսի 17-ին Իրաքի օդային տարածքից Թագավորության օդային տարածք մուտք գործած երեք անօդաչու թռչող սարքերը որսացել և ոչնչացրել են։
«Պաշտպանության նախարարությունը կձեռնարկի ու կիրականացնի բոլոր անհրաժեշտ օպերատիվ միջոցառումները՝ Թագավորության քաղաքացիների և բնակիչների ինքնիշխանության և անվտանգության դեմ ոտնձգության ցանկացած փորձի դեմ պայքարելու համար», - հավելել է ալ-Մալիքին։
Ավելի վաղ Սաուդյան Արաբիայի արտաքին գործերի նախարարությունը դատապարտել էր մայիսի 17-ին ԱՄԷ-ի վրա անօդաչու թռչող սարքերի հարձակումը, որոնցից մեկը հրդեհի պատճառ էր դարձել Բարաքա ատոմակայանի մոտակայքում։