Նոր մանկապարտեզ և դպրոց՝ Սյունիքի մարզի Շվանիձոր բնակավայրում

2 րոպեի ընթերցում

Սյունիք կատարած այցի շրջանակում ԿԳՄՍ նախարար Ժաննա Անդրեասյանն այցելել է Շվանիձոր բնակավայրի մանկապարտեզ, դպրոց և մշակույթի տուն, ծանոթացել պետական տարբեր ծրագրերով կատարված բարեկարգման աշխատանքներին։

«Արմենպրես»-ի փոխանցմամբ՝ այս մասին հաղորդագրություն է տարածել ՀՀ ԿԳՄՍ նախարարությունը։

Ժաննա Անդրեասյանին ուղեկցել են նախարարի տեղակալ Ալֆրեդ Քոչարյանը, Սյունիքի մարզպետի տեղակալ Հայկ Հարությունյանը, Մեղրի համայնքի ղեկավար Խաչատուր Անդրեասյանը։

«Ագարակի մանկապարտեզ» ՀՈԱԿ-ի Շվանիձորի մասնաճյուղը հիմնանորոգվել է Կառավարության սուբվենցիոն ծրագրով․ աշխատանքների ընդհանուր արժեքը 34 մլն 490 հազար դրամ է, որում պետության ֆինանսավորումը կազմում է 22 մլն 418 հազար դրամ, մնացածը համայնքային ներդրում է։

Շվանիձորում 2000 թվականից հետո մանկապարտեզ չէր գործում․ 500 մանկապարտեզ պետական ծրագրով վերանորոգված նախադպրոցական ուսումնական հաստատությունը նախատեսված է 25 երեխայի համար․ մանկապարտեզի գործարկմամբ գյուղում 4 աշխատատեղ է բացվել։

Ժաննա Անդրեասյանը շրջել է հիմնանորոգված մանկապարտեզում, ծանոթացել պայմաններին, գույքային հագեցվածությանը, հետաքրքրվել առկա խնդիրներով։

Հաջորդաբար ԿԳՄՍ նախարարն այցելել է Շվանիձորի միջնակարգ դպրոց, որը վերանորոգվում է ՀՀ պետբյուջեի միջոցներով՝ Հայաստանի տարածքային զարգացման հիմնադրամի պատվիրակությամբ՝ Կառավարության 300 դպրոց ծրագրի շրջանակում։

Նախարարին տեղեկացվել է, որ շինարարության հիմնական աշխատանքներն արդեն ավարտված են, և դպրոցն այժմ կահավորման փուլում է։ Դպրոցը նախատեսված է 120 աշակերտի համար․ սովորողների թիվն այժմ 31 է։

Նախարարն ու մյուս պաշտոնյաներն այցելել են նաև Շվանիձորի մշակույթի կենտրոն, ծանոթացել շենքային պայմաններին, տեղում քննարկել խնդիրները։

Հայերեն Русский

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ

Շիրակի մարզում մեկնարկել է կարկտահարությունից տուժած բնակիչներին և տնտեսություններին մասնակի փոխհատուցման տրամադրման գործընթացը

Եվրոպական ինդեքսները նվազել են - 20/11/26

Ամերիկյան ինդեքսները նվազել են - 20/11/26