ԱՄՆ-ն դրական և արդյունավետ է որակել Իսրայելի և Լիբանանի միջև կայացած բանակցությունները

2 րոպեի ընթերցում

Միացյալ Նահանգները մայիսի 14-ին Վաշինգտոնում կայացած Իսրայել-Լիբանան բանակցությունները արդյունավետ և դրական է որակել։ «Արմենպրես»-ի փոխանցմամբ՝ այս մասին հայտնում է Reuters-ը։

Պետդեպարտամենտի պաշտոնյան, որի անունը չի նշվում, հայտնել է, որ մայիսի 15-ին կողմերը կշարունակեն քննարկումները՝ ուղղված հակամարտությանը վերջ դնելուն։

Նրա խոսքով՝ լիբանանցի և իսրայելցի դեսպանների հանդիպումն առաջին օրը շարունակվել է ութ ժամ։

Լիբանանցի բարձրաստիճան պաշտոնյան, որի անունը չի նշվում, ավելի վաղ հայտարարել էր, որ Լիբանանը բանակցությունների ժամանակ կպահանջի, որ Իսրայելը դադարեցնի կրակը։

Իսկ Իսրայելի կառավարության խոսնակը հայտարարել է, որ բանակցությունների նպատակը «Հեզբոլլահ»-ին զինաթափելն ու խաղաղություն հաստատելն է։

Նշենք, որ սա կողմերի միջև բանակցությունների երրորդ փուլն է։

Լիբանանը ներքաշվել է Մերձավոր Արևելքի հակամարտության մեջ այն բանից հետո, երբ «Հեզբոլլահ»-ն, ի պատասխան Իրանի դեմ ամերիկա-իսրայելական հարվածների, մարտի 2-ից հարձակումներ էր սկսել Իսրայելի դեմ։ Իսրայելը նախորդ ամիս ընդլայնել է իր ցամաքային ներխուժումը Լիբանանի հարավում։

Չնայած ԱՄՆ նախագահ Դոնալդ Թրամփի կողմից ապրիլի 16-ի կեսգիշերին հայտարարված հրադադարին՝ Իսրայելի և «Հեզբոլլահ»-ի միջև բախումները շարունակվում են։ Հրադադարի ժամկետը լրանում է մայիսի 17-ին։

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն