Նեթանյահուն ցանկանում է, որ Իսրայելը 10 տարվա ընթացքում լիովին հրաժարվի ԱՄՆ-ի ռազմական աջակցությունից
1 րոպեի ընթերցում
Իսրայելի վարչապետ Բենիամին Նեթանյահուն կարծում է, որ իր երկիրը պետք է առաջիկա տասը տարվա ընթացքում աստիճանաբար հրաժարվի ԱՄՆ-ի ռազմական օգնությունից։ «Արմենպրես»-ի փոխանցմամբ՝ այս մասին նա ասել է CBS News-ի հետ հարցազրույցում:
«Ես ցանկանում եմ զրոյի հասցնել ամերիկյան ֆինանսական աջակցությունը, մեր ռազմական համագործակցության ֆինանսական բաղադրիչը։ Որովհետև մենք տարեկան ստանում ենք 3,8 միլիարդ դոլար։ Եվ կարծում եմ՝ եկել է ժամանակն՝ աստիճանաբար հրաժարվելու մնացած ռազմական աջակցությունից», - ասել է Նեթանյահուն։
Պատասխանելով ամերիկյան աջակցությունից հրաժարվելու ժամկետների մասին հարցին՝ Նեթանյահուն նշել է, որ ցանկանում է դա անել առաջիկա տասը տարվա ընթացքում և մտադիր է «սկսել հիմա»։
Հեռուստաալիքն ուշադրություն է հրավիրում այն բանի վրա, որ Նեթանյահուն «շատ լավ իրազեկված է», որ ԱՄՆ-ում Իսրայելի նկատմամբ աջակցությունը նվազում է։ Ըստ վերջին հարցումներից մեկի՝ ամերիկացի չափահասների 60%-ը ոչ դրական կարծիք ունի Իսրայելի մասին։ Այսպիսով, այս ցուցանիշը վերջին չորս տարվա ընթացքում աճել է գրեթե 20 կետով։