Հայաստանի պաշտպանության նախարարը լեհական ռազմարդյունաբերական ընկերության ղեկավարների հետ քննարկել է համագործակցությանն առնչվող հարցեր
1 րոպեի ընթերցում
Հայաստանի Հանրապետության պաշտպանության նախարար Սուրեն Պապիկյանը Վարշավայում այցելել է լեհական ռազմարդյունաբերական ընկերություններից մեկը։
«Արմենպրես»-ի փոխանցմամբ՝ այցի մասին տեսանյութը Պապիկյանը հրապարակել է «Ֆեյսբուք»-ի իր էջում։
«Հանդիպել եմ ընկերության ղեկավար կազմի հետ և քննարկել համագործակցությանն առնչվող մի շարք հարցեր»,-տեսանյութին կից գրել է ՀՀ պաշտպանության նախարարը։
Նշենք, որ Հայաստանի պաշտպանության նախարարը մայիսի 5-ին պաշտոնական այցով մեկնել է Լեհաստան, Վարշավայում մասնակցել է «Defence24 Days» համաժողովի բացման պաշտոնական արարողությանը։