ՀՀ ԱԳ նախարարն ու ՄՔԴ-ի նախագահը քննարկել են փոխգործակցության հնարավորությունը

Հայաստանի Հանրապետության արտաքին գործերի նախարար Արարատ Միրզոյանը հանդիպել է Միջազգային քրեական դատարանի նախագահ Տոմոկո Ականեի հետ, որը մասնակցում էր «Երևանյան երկխոսություն» համաժողովին:

Ինչպես «Արմենպրես»-ը տեղեկանում է ՀՀ ԱԳ նախարարության տարածած հաղորդագրությունից, մտքեր են փոխանակվել Հայաստանի և ՄՔԴ-ի միջև փոխգործակցության, միջազգային իրավունքի նորմերի պահպանմանն ու օրենքի գերակայության ապահովմանն ուղղված միջազգային ջանքերում ներգրավածության հարցերի շուրջ: