«Երևանյան երկխոսություն» համաժողովի շրջանակներում Արարատ Միրզոյանը հանդիպել է Լատվիայի ԱԳ նախարարի հետ

ՀՀ ԱԳ նախարար Արարատ Միրզոյանն ու Լատվիայի ԱԳ նախարար Բայբա Բրաժեն քննարկել են Հայաստանի և Լատվիայի միջև զարգացող քաղաքական երկխոսությանը զուգահեռ տնտեսական և այլ ոլորտներում ծրագրերի իրականացման հարցեր:

Ինչպես հաղորդում է «Արմենպրես»-ը, այս մասին հայտնել են ՀՀ արտաքին գործերի նախարարությունից՝ նշելով, որ հանդիպումը տեղի է ունեցել «Երևանյան երկխոսություն» միջազգային համաժողովի շրջանակներում:

Կողմերն անդրադարձել են ԵՔՀ և ՀՀ-ԵՄ գագաթնաժողովների արդյունքներով ձեռքբերված պայմանավորվածություններին, ՀՀ-ԵՄ օրակարգի հետագա առաջմղման ուղղությամբ աշխատանքներին:

Քննարկվել են բազմակողմ հարթակներում համագործակցության հարցեր: ԱԳ նախարարները մտքեր են փոխանակել նաև տարածաշրջանային զարգացումների շուրջ։