ԱՄՆ-ի և Իսրայելի հարվածներից Իրանում գրեթե 150 հազար քաղաքացիական օբյեկտ է վնասվել կամ ավերվել. Կարմիր մահիկ

2 րոպեի ընթերցում

Իրանի Կարմիր մահիկի ընկերությունը հայտարարել է, որ երկրում առնվազն 149 000 քաղաքացիական օբյեկտներ, ներառյալ դպրոցներ, բժշկական կենտրոններ և բնակելի շենքեր են վնասվել կամ ավերվել ԱՄՆ-ի և Իսրայելի հարվածների հետևանքով։ Ինչպես «Արմենպրես»-ը տեղեկանում է ՏԱՍՍ գործակալությունից, այս մասին հայտնել է կազմակերպության գլխավոր քարտուղար Մեյսամ Աֆշարը։

«Ընդհանուր առմամբ, պատերազմի ընթացքում հարված է հասցվել 149 528 քաղաքացիական օբյեկտի: Առնվազն 123 000 բնակելի շենք և 24 450 առևտրային օբյեկտ է ենթարկվել թշնամու գրոհներին», - ասել է նա մամուլի ասուլիսի ժամանակ:

Աֆշարի խոսքով՝ հակամարտության ամբողջ  ընթացքում վնասվել է 993 դպրոց և նախադպրոցական կրթական հաստատություն, 32 համալսարան, 350 բժշկական և անհետաձգելի օգնության կենտրոն, ինչպես նաև 15 օդանավակայան:

Բացի այդ, ըստ պաշտոնյայի՝ Իրանի Կարմիր մահիկի ընկերության աշխատակիցները ռազմական գործողությունների 40 օրվա ընթացքում ավերված շինությունների փլատակներից ողջ դուրս են բերել ավելի քան 7000 իրանցու։

Ընդհանուր առմամբ, ընկերության աշխատակիցներն իրականացրել են ավելի քան 6000 փրկարարական գործողություն։

Աֆշարը հավելել է, որ ԱՄՆ-ի և Իսրայելի հետ հակամարտության ընթացքում Իսլամական Հանրապետությունը մարդասիրական օգնություն է ստացել առնվազն 18 երկրից, ինչի շնորհիվ Իրանում ոչ մի բանի պակաս չի եղել։

ԱՄՆ-ն և Իսրայելը փետրվարի 28-ին պատերազմ են սկսել Իրանի դեմ, որն էլ պատասխան հարվածներ է հասցրել Իսրայելին և տարածաշրջանի երկրներում ամերիկյան օբյեկտներին։ Ապրիլի 8-ին կողմերի միջև երկշաբաթյա հրադադար է հայտարարվել, որն այնուհետև անորոշ ժամկետով երկարաձգվել է ԱՄՆ նախագահի կողմից։ Իրանական կողմի տվյալներով՝ պատերազմի 40 օրվա ընթացքում ամերիկա-իսրայելական հարվածների հետևանքով զոհվել է 3375 իրանցի։

Հայերեն

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն