1 րոպեի ընթերցում
Չինաստանի կենտրոնական Հունանի նահանգում հրատեխնիկայի գործարանում տեղի ունեցած պայթյունի հետևանքով զոհերի թիվը հասել է 26-ի, ևս 61 մարդ վիրավորվել է։ «Արմենպրես»-ի փոխանցմամբ՝ այս մասին հաղորդում է Xinhua գործակալությունը։
Նշվում է, որ մայիսի 5-ին կայացած մամուլի ասուլիսում Չանշայի քաղաքապետը ցավակցություն է հայտնել զոհերին և ներողություն խնդրել նրանց ընտանիքներից, տուժած բնակիչներից և ամբողջ հասարակությունից։
Մամուլի ասուլիսից առաջ ներկաները մեկ րոպե լռությամբ հարգել են զոհերի հիշատակը։
Պայթյունը տեղի է ունեցել մայիսի 4-ին՝ տեղական ժամանակով ժամը 16:43-ի սահմաններում, Հունանի վարչական կենտրոն Չանշայի ենթակայության տակ գտնվող Լյույան քաղաքի գործարանում։