Խաղաղությունը բարգավաճում է բերում. ֆոն դեր Լայենը՝ ԵՄ-ի կողմից Հայաստանին ցուցաբերվող աջակցության մասին
1 րոպեի ընթերցում
Եվրոպական միությունը ցանկանում է աջակցել Հայաստանին՝ ցույց տալու համար, որ խաղաղությունը բարգավաճում է բերում:
«Արմենպրես»-ի հաղորդմամբ՝ այս մասին Երևանում անցկացվող Եվրոպական քաղաքական համայնքի 8-րդ գագաթնաժողովի պանելային քննարկման ընթացքում հայտարարել է Եվրոպական հանձնաժողովի նախագահ Ուրսուլա ֆոն դեր Լայենը:
«Մենք ցանկանում ենք աջակցել Հայաստանին՝ ցույց տալու համար, որ խաղաղությունը բարգավաճում է բերում, և որ հաղորդակցությունը կարող է կարևոր դեր խաղալ Հարավային Կովկասում. նույնը, ինչ պողպատն ու ածուխը խաղացին խաղաղության և բարգավաճման ամրապնդման գործում՝ Եվրամիության ծննդյան ժամանակ››,-նշել է Եվրոպական հանձնաժողովի նախագահը՝ X-ի իր էջում հրապարակելով ԵՔՀ-ի պանելային քննարկման ժամանակ ունեցած իր ելույթից: