Հայաստանի և Եվրամիության հարաբերություններն ամրապնդելու պատմական հնարավորություն ունենք. Միրիամ Լեքսման

Եվրախորհրդարանի պատգամավոր, Եվրախորհրդարանում Հայաստանի հարցերով զեկուցող Միրիամ Լեքսմանը հայտարարել է, որ Հայաստանի և Եվրամիության հարաբերություններն ամրապնդելու պատմական հնարավորություն կա։

«Արմենպրես»-ի փոխանցմամբ՝ Լեքսմանն այս մասին գրել է X-ի իր միկրոբլոգում՝ անդրադառնալով Եվրախորհրդարանի ընդունած բանաձևին Հայաստանի ժողովրդավարական դիմակայունությանն աջակցելու վերաբերյալ։

I 💯agree.

We have a historic opportunity to strengthen EU-Armenia relations, bolster reforms and support regional peace.

This is a crucial moment that requires the EU’s committment and support in words and in concrete deeds. https://t.co/1jMWpdcwy9

— Miriam M. Lexmann (@MiriamMLex) April 30, 2026

«Մենք պատմական հնարավորություն ունենք  ամրապնդել Հայաստանի և Եվրամիության հարաբերությունները, խթանել բարեփոխումները և աջակցել տարածաշրջանային խաղաղությանը։ Սա կարևորագույն պահ է, որը պահանջում է Եվրամիության աջակցությունն ու հանձնառությունը՝ խոսքով և կոնկրետ գործերով»,- գրել է Լեքսմանը։

Եվրոպական խորհրդարանի լիագումար նիստում ապրիլի 30-ին քվեարկվել է Հայաստանի վերաբերյալ բանաձև, որով վերահաստատվում է ԵՄ աջակցությունը Հայաստանի ժողովրդավարական զարգացմանը, խաղաղության գործընթացին և եվրոպական ինտեգրման ուղղությամբ իրականացվող բարեփոխումներին։ Բանաձևին կողմ էր քվեարկել 476, դեմ՝ 47, ձեռնպահ՝ 48 պատգամավոր։