Forbes ամսագրում հրապարակվել է Մխիթար Հայրապետյանի հերթական հոդվածը

ՀՀ բարձր տեխնոլոգիական արդյունաբերության նախարար Մխիթար Հայրապետյանի հերթական հոդվածն է հրապարակվել Forbes միջազգային հեղինակավոր ամսագրում։ «Արմենպրես»-ի հաղորդմամբ՝ այս մասին սոցիալական ցանցի իր էջում տեղեկացրել է Մխիթար Հայրապետյանը։ 

Նախարարն իր հոդվածը վերնագրել է այսպես՝ «Ինչու փոքր երկրները կարող են հզոր լինել արհեստական բանականության դարաշրջանում»։

«Հոդվածում անդրադարձել եմ ԱԲ-ի ազդեցությանը գլոբալ ուժերի վերադասավորման վրա՝ ընդգծելով, որ եթե նախկինում տնտեսական ազդեցությունը պայմանավորված էր բնական ռեսուրսներով, կապիտալով և արդյունաբերական ծավալներով, ապա այսօր ԱԲ-ն վերաձևում է այդ հավասարակշռությունը»,- ֆեյսբուքյան գրառման մեջ նշել է նա։