Տիգրան Բալայանը Եվրախորհրդարանին շնորհակալություն է հայտնել Հայաստանին աջակցող բանաձև ընդունելու համար

Բելգիայում Հայաստանի Հանրապետության դեսպան և ԵՄ-ում ՀՀ ներկայացուցիչ Տիգրան Բալայանը շնորհակալություն է հայտնել Եվրոպական խորհրդարանին Հայաստանի ժողովրդավարական դիմակայունությանն աջակցելու վերաբերյալ բանաձևի ընդունման համար։

«Արմենպրես»-ի հաղորդմամբ՝ Տիգրան Բալայանն իր երախտագիտությունն է հայտնել X-ի միկրոբլոգում արված գրառմամբ։ 

🇦🇲🤝🇪🇺Grateful to MEPs for adopting this timely resolution ahead of the EPC and EU–Armenia summits in Yerevan. A strong signal of support by @Europarl_EN for Armenia’s democratic resilience and our shared commitment to deeper partnership. pic.twitter.com/ca2bCnLAua

— Tigran Balayan (@tbalayan) April 30, 2026

«Շնորհակալ ենք Եվրախորհրդարանի պատգամավորներին մինչև Երևանում կայանալիք Եվրոպական քաղաքական համայնքի և Հայաստան-Եվրամիություն գագաթնաժողովներն այս բանաձևն ընդունելու համար։ Սա Եվրոպական խորհրդարանի կողմից աջակցության հզոր ազդանշան է Հայաստանի ժողովրդավարական դիմադրողականության և մեր համատեղ գործընկերության խորացման հանձնառության նկատմամբ»,-նշել է Տիգրան Բալայանը։

Եվրոպական խորհրդարանի լիագումար նիստում ապրիլի 30-ին քվեարկվել է Հայաստանի վերաբերյալ բանաձև, որով վերահաստատվում է ԵՄ աջակցությունը Հայաստանի ժողովրդավարական զարգացմանը, խաղաղության գործընթացին և եվրոպական ինտեգրման ուղղությամբ իրականացվող բարեփոխումներին։

Բանաձևին կողմ էր քվեարկել 476, դեմ՝ 47, ձեռնպահ՝ 48 պատգամավոր։