Մշակութային և պատմական հուշարձանների դեմ ցանկացած գործողություն անընդունելի է. Զախարովա
1 րոպեի ընթերցում
Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ Ռուսաստանը դատապարտում է Ղարաբաղում հայկական եկեղեցիների ոչնչացումը՝ ընդգծելով, որ մշակութային և պատմական հուշարձանների դեմ ցանկացած գործողություն անընդունելի է։
«Արմենպրես»-ի փոխանցմամբ՝ ճեպազրույցի ընթացքում պատասխանելով լրագրողի հարցին՝ Զախարովան նշել է, որ Ռուսաստանը «բոլորից լավ» գիտի, թե ինչ է նշանակում մշակութային ժառանգության ոչնչացումը։ Նրա խոսքով՝ այս հարցում Մոսկվան չի կիրառում երկակի չափանիշներ։
«Մենք կրկնակի չափանիշներ չունենք. դա չի կարելի անել ոչ մի տեղ։ Եվ միշտ (նույնիսկ եթե կան տարբեր նրբություններ՝ տնտեսական, լոգիստիկ, քաղաքական) հնարավոր է բանակցել և գտնել ընդհանուր եզրեր»,- ասել է նա։
Նա հիշեցրել է նաև Ռուսաստանի, Ադրբեջանի և Հայաստանի միջև 2020-2022 թվականներին ձեռք բերված եռակողմ համաձայնագրերը, որոնք, ըստ նրա, նախատեսում են մարդասիրական հաշտեցման գործընթաց, ներառյալ կալանավորված անձանց և փախստականների վերադարձը։
Զախարովայի խոսքով՝ Ռուսաստանը պատրաստ է աջակցել նման հարցերի լուծմանը, եթե համապատասխան դիմում ստանա կողմերից։