368.44
Այսօր մեր խորին ցավակցությունն ենք հայտնում հայ ժողովրդին. Զախարովա
1 րոպեի ընթերցում
Ռուսաստանի Դաշնությունն աշխարհում առաջիններից էր, որ ճանաչել և դատապարտել է Հայոց ցեղասպանությունը։
«Արմենպրես»-ի փոխանցմամբ՝ այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ ամենշաբաթյա ճեպազրույցի ժամանակ՝ ավելացնելով, որ Ռուսաստանը հայ ժողովրդի հետ միասին սգում է Օսմանյան կայսրությունում Հայոց ցեղասպանության 111-րդ տարելիցի օրը։
«Այսօր մենք մեր խորին ցավակցությունն ենք հայտնում հայ ժողովրդին, սգում ենք նրա հետ միասին այս օրը, ինչպես միշտ։ Կցանկանայի նաև հիշեցնել, որ Ռուսաստանի դիրքորոշումը օբյեկտիվ և հետևողական է՝ ազգային պատկանելության հիմքով զանգվածային ոչնչացումը որևէ արդարացում ունենալ չի կարող»,- ասել է դիվանագետը։
Զախարովան ընդգծել է, որ Ռուսաստանում հենց սկզբից այս սարսափելի ողբերգությունն ընկալվել է որպես սեփական ցավ։
Ռուսաստանի Պետական դուման 1995 թվականին ընդունել է Հայոց ցեղասպանության դատապարտման մասին որոշում։
Բաժանորդագրվեք մեր ալիքին Telegram-ում