1 րոպեի ընթերցում
Հայաստանը ներկայացնող ծանրորդները շարունակում են ելույթները Եվրոպայի առաջնությունում:
Ինչպես Բաթումից հաղորդում է «Արմենպրես»-ի թղթակիցը, ծանրամարտի Եվրոպայի առաջնությունում ապրիլի 24-ին մրցահարթակ դուրս կգա Հայաստանի երեք ներկայացուցիչ:
Ժամը 16:00-ին 94 կգ քաշային կարգում հանդես կգա Արա Աղանյանը: Իսկ 19:00-ին մրցահարթակ դուրս կգան 86 կգ քաշային Լիանա Գյուրջյանն ու Էմմա Պողոսյանը:
Ավելի վաղ Հայաստանի հավաքականից Եվրոպայի առաջնության արծաթե մեդալակիրներ էին դարձել Գառնիկ Չոլաքյանը, Ալեքսանդրա Գրիգորյանն ու Գոռ Սահակյանը: Բրոնզե մեդալ է նվաճել Մարտին Պողոսյանը:
Աննա Ամրոյանն էլ ոսկե մեդալակիր էր դարձել հրում վարժությունում: