ԱՄՆ-ում ՀՀ դեսպանն ընդգծել է TRIPP նախագծի դերը «Խաղաղության խաչմերուկ» նախաձեռնության համատեքստում
1 րոպեի ընթերցում
Միացյալ Նահանգներում Հայաստանի Հանրապետության դեսպան Նարեկ Մկրտչյանը մասնակցել է German Marshall Fund-ի (GMF) կողմից կազմակերպված կլոր սեղան-քննարկմանը, որին մասնակցել են ակադեմիական շրջանակի, քաղաքացիական հասարակության, վերլուծական կենտրոնների ներկայացուցիչներ։
«Արմենպրես»-ի հաղորդմամբ՝ այս մասին հայտնում են ԱՄՆ-ում ՀՀ դեսպանությունից՝ ներկայացնելով հանդիպման մանրամասները։
Նշվում է, որ դեսպան Մկրտչյանն իր խոսքում անդրադարձել է ՀՀ-ԱՄՆ համագործակցության օրակարգին՝ ներկայացնելով արդեն ստորագրված հուշագրերը և դրանց շրջանակում իրականացվող նախաձեռնությունները։
«Ընդգծվել է TRIPP ծրագրի դերը «Խաղաղության խաչմերուկ» նախաձեռնության համատեքստում, ներկայացվել մանրամասներ՝ արհեստական բանականության, կիսահաղորդիչների, էներգետիկ անվտանգության ապահովման ոլորտներում համագործակցության ուղղություններով»,-ասված է դեսպանության հաղորդագրության մեջ։
Հանդիպմանն անդրադարձել են նաև տարածաշրջանային զարգացումներին և խաղաղության գործընթացին վերաբերող հարցերին։