ՆԱՏՕ-ի ինքնաթիռները Բալթիկ ծովի երկնքում ուղեկցել են ռուսական ինքնաթիռներին

2 րոպեի ընթերցում

Ֆրանսիական Rafale կործանիչները Շվեդիայի, Ֆինլանդիայի, Լեհաստանի, Դանիայի և Ռումինիայի ինքնաթիռների հետ միասին ապրիլի 20-ին Բալթիկ ծովի երկնքում ուղեկցել են ռուսական ռազմավարական ռմբակոծիչներին, ինչպես նաև Tu-22M3 գերձայնային հրթիռակիր ռմբակոծիչներին, Սու-30 և Սու-35 կործանիչներին։ «Արմենպրես»-ի փոխանցմամբ՝ Deutsche Welle-ն գրում է, որ այս մասին միջադեպի հաջորդ օրը հաղորդել է ֆրանսիական հրամանատարությունը։

Նշվում է, որ «ավելի խոշոր ռազմավարական ռմբակոծիչներին» ուղեկցելու համար Ռուսաստանը հերթով օգտագործել է երկու Tu-22M3, ինչպես նաև շուրջ տասը Սու-30 և Սու-35։ Լիտվայի Շյաուլյայ քաղաքի օդանավակայանից Rafale-ի երկու օդաչուների թռիչքին ականատես է եղել The Associated Press-ի լրագրողը:

Ռուսաստանի պաշտպանության նախարարությունը նույնպես հաղորդել է «Բալթիկ ծովի չեզոք ջրերի վրա» ապրիլի 20-ին «պլանավորված թռիչքի» մասին: Նշվում է, որ Tu-22M3 հեռահար ռմբակոծիչները՝ Սու-35-ի ուղեկցությամբ, թռել են ավելի քան չորս ժամ:

«Երթուղու առանձին փուլերում հեռահար ռմբակոծիչներն ուղեկցվել են օտարերկրյա պետությունների կործանիչների կողմից», - նշվել է հրապարակման մեջ:

Ըստ ՌԴ ռազմական գերատեսչության՝ թռիչքները կատարվում են միջազգային կանոնակարգերին համապատասխան:

Լիտվայի պաշտպանության նախարարության տվյալներով՝ ապրիլի 13-19 ՆԱՏՕ-ի օդաչուները չորս անգամ օդ են բարձրացել թռիչքի կանոնները խախտող ռուսական ինքնաթիռները կալանելու համար: Այդ խախտումների թվում են տրանսպոնդերների անջատումը, թռիչքի կատարումն առանց պլան տրամադրելու, ինչպես նաև, ըստ ՆԱՏՕ-ի, կարգավարների հետ կապի բացակայությունը:

Հայերեն Русский

Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան

Երևանը կընդունի բասկետբոլի Մ16 տարեկանների ԵԱ-ն

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը