Ըմբիշները մեկնարկում են Եվրոպայի առաջնությունում

Հայաստանի հունահռոմեական ոճի ըմբշամարտի հավաքականի անդամները սկսում են պայքարը Եվրոպայի առաջնությունում:

«Արմենպրես»-ի հաղորդմամբ` Ալբանիայի մայրաքաղաք Տիրանայում մեկնարկում է ըմբշամարտի Եվրոպայի առաջնությունը:

55 կգ քաշային կարգում Մանվել Խաչատրյանի առաջին մրցակիցը որակավորման փուլում կլինի Ուկրաինայից Իվան Ստեֆանսկին:

63 կգ քաշում Եվրոպայի առաջնության գործող փոխչեմպիոն Կարեն Ասլանյանը որակավորման փուլում ուժերը կչափի Ռազվան Առնաուտի հետ (Ռումինիա):

Աշխարհի և Եվրոպայի չեմպիոն, Օլիմպիական խաղերի բրոնզե մեդալակիր Մալխաս Ամոյանը  77 կգ քաշային կարգում պայքարի մեջ կմտնի 1/8 եզրափակչից` մրցելով շվեդ Կարլ Բաֆի հետ:

87 կգ քաշում Գևորգ Թադևոսյանի առաջին մրցակիցը1/8 եզրափակիչում դեռևս հայտնի չէ:

Եվ 130 կգ քաշում Ալբերտ Վարդանյանի առաջին մրցակիցը Ռիզա Կայալպն է (Թուրքիա):