Միրզոյանն էստոնացի գործընկերոջը ներկայացրել է Ադրբեջանի և Թուրքիայի հետ կարգավորման գործընթացների մանրամասները
1 րոպեի ընթերցում
Հայաստանի արտաքին գործերի նախարար Արարատ Միրզոյանն ու Էստոնիայի արտաքին գործերի նախարար Մարգու Ցահքնան Երևանում կայացած հանդիպման ժամանակ քննարկել են տարածաշրջանային հարցեր։
«Արմենպրես»-ի փոխանցմամբ՝ հանդիպումից հետո կայացած մամուլի ասուլիսի ժամանակ այս մասին հայտնեց ՀՀ ԱԳ նախարար Արարատ Միրզոյանը։
«Քննարկել ենք տարածաշրջանային հարցեր։ Մենք Էստոնիային մեր երախտիքն ենք հայտնել Հայաստան-Ադրբեջան խաղաղության գործընթացին ցուցաբերած աջակցության համար։
Քննարկել ենք այս օրերին Մերձավոր Արևելքում ծավալվող իրադարձությունները, Արևելյան Եվրոպան, խնդիրները, որոնց աշխարհն այսօր բախվում է, միևնույն ժամանակ փորձել ենք մտքեր փոխանակել հնարավոր լուծումների ուղղությամբ»,- ասել է ՀՀ ԱԳ նախարարը։
Արարատ Միրզոյանն էստոնացի գործընկերոջը ներկայացրել է Հայաստան-Ադրբեջան կարգավորման, Հայաստան-Թուրքիա կարգավորման, ենթակառուցվածքների ապաշրջափակման, TRIPP նախագծի և դրա ուղղությամբ շարունակական աշխատանքների մանրամասները։