1 րոպեի ընթերցում
Ավելի քան 3000 մարդ զոհ է դարձել Իրանի դեմ ԱՄՆ-ի և Իսրայելի ռազմական գործողությանը: «Արմենպրես»-ի փոխանցմամբ՝ այս մասին հայտնել է Իրանի դատաբժշկական կազմակերպության ղեկավար Աբբաս Մասջեդի Արանին:
Նա նշել է, որ զոհերի շուրջ 40 տոկոսին հնարավոր չէ նույնականացնել։
Ապրիլի 8-ին Վաշինգտոնը և Թեհրանը հայտարարեցին երկշաբաթյա հրադադարի մասին։ ԱՄՆ նախագահը հայտարարել է, որ ապագա համաձայնագրի համար որպես աշխատանքային հիմք կարող է ծառայել 10 կետից բաղկացած իրանական ծրագիրը։ Այն, ի թիվս այլ կետերի, ներառում է Իրանի դեմ սահմանված պատժամիջոցների վերացում, Հորմուզի նկատմամբ նրա վերահսկողության ապահովում, ուրանի հարստացման իրավունքը, ինչպես նաև բոլոր ճակատներում մարտերի, ներառյալ «Հեզբոլլահ»-ի դեմ Իսրայելի գործողության դադարեցում։
Կողմերն Իսլամաբադում բանակցություններ կանցկացնեն, ամենայն հավանականությամբ, ապրիլի 10-ին։