Իսրայելը հայտնել է, որ 24 ժամվա ընթացքում 133 մարդ է հոսպիտալացվել երկրի դեմ հարձակումների հետևանքով

2 րոպեի ընթերցում

Իսրայելի առողջապահության նախարարությունը հայտնել է, որ 24 ժամվա ընթացքում 133 մարդ է հոսպիտալացվել Իրանի և «Հեզբոլլահ»-ի հարձակումների պատճառով։ «Արմենպրես»-ի փոխանցմամբ՝ այս մասին նշել է Իսրայելի առողջապահության նախարարությունը X հարթակում գրառման մեջ։

«Երեկ ժամը 7:00-ից մինչև այսօր առավոտյան ժամը 7:00-ն ընկած ժամանակահատվածում հիվանդանոցներ ընդունված 133 մարդկանցից հինգի վիճակը գնահատվում է միջին ծանրության, 127-ի վիճակը՝ թեթև, իսկ մեկի վիճակը՝ ծանր», - նշված է հաղորդագրության մեջ։

Նախարարությունը նաև տեղեկացրել է, որ հակամարտության մեկնարկից ի վեր 2026 թվականի ապրիլի 7-ի դրությամբ հիվանդանոցներ է տեղափոխվել 7183 տուժած, որոնցից 118-ը ներկայում հոսպիտալացված են։

Al Jazeera-ի փոխանցմամբ՝ հակամարտության հետևանքով Իսրայելում զոհերի թիվը հասել է 26-ի։

Փետրվարի 28-ին ԱՄՆ-ն և Իսրայելն Իրանի դեմ համատեղ ռազմական գործողություն են սկսել՝ մեղադրելով Թեհրանին հրթիռային և միջուկային ծրագիրը զարգացնելու համար։ Իրանը, հերքելով մեղադրանքները, սկսել է պատասխան հարվածներ հասցնել Իսրայելին, ինչպես նաև տարածաշրջանի երկրներում ամերիկյան ռազմաբազաներին։

Իր հերթին լիբանանյան «Հեզբոլլահ» շարժումը, հաջակցություն Իրանի, հրթիռներ է արձակում Իսրայելի ուղղությամբ։ Ի պատասխան՝ Իսրայելը ցամաքային և օդային ինտենսիվ հարձակումներ է իրականացնում Լիբանանում։

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն