Թատերական երկամսյակի շրջանակներում Գավառը հյուրընկալել է Կ. Ստանիսլավսկու անվան ռուսական թատրոնի դերասաններին
1 րոպեի ընթերցում
Գեղարքունիքի մարզում հայտարարված թատերական երկամսյակի շրջանակներում Գեղարքունիքի Լ․ Քալանթարի անվան դրամատիկական թատրոնը հյուրընկալել է մայրաքաղաքի Կ․ Ստանիսլավսկու անվան ռուսական պետական դրամատիկական թատրոնի դերասաններին, ովքեր հանդես են եկել Էլմիրա Սոլոյանի «Հարաբերություններ» ներկայացումով։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմից, ներկայացումը դիտել են Գավառի տարածաշրջանի հանրակրթական դպրոցների, կրթամշակութային հաստատությունների կոլեկտիվներ, մարզպետի աշխատակազմի, Գավառի համայնքապետարանի, առողջապահական հիմնարկների աշխատակիցներ, ուսանողներ, անհատներ։