2025-ին արձանագրվել է ընտանեկան բռնության հիմքով սպանության 14 դեպք․ դատախազություն

2 րոպեի ընթերցում

2025 թվականին ընտանեկան և կենցաղային բռնության դեպքերի գերակշիռ մասը՝ 87 տոկոսը, կազմել են ֆիզիկական և հոգեկան ներգործության ու առողջությանը թեթև վնաս պատճառելու դեպքերը։ «Արմենպրես»-ի հաղորդմամբ՝ այս մասին նշվում է ՀՀ գլխավոր դատախազության 2025 թվականի տարեկան հաղորդման մեջ։

Հաղորդման համաձայն՝ նշված ցուցանիշը որոշակի նվազում է արձանագրել նախորդ տարվա համեմատ, երբ այն կազմում էր 90 տոկոս։

«Ընտանեկան և կենցաղային բռնությունների դեպքերի ուսումնասիրությունը ցույց է տալիս, որ դրանց գերակշիռ մասը կազմում են ֆիզիկական և հոգեկան ներգործության դեպքերը»,- նշված է հաղորդման մեջ։

Միաժամանակ հաշվետու տարում արձանագրվել է ընտանեկան և կենցաղային բռնության հիմքով կատարված սպանության 14 դեպք (2024-ին՝ 13), առևանգման 12 դեպք (2024-ին՝ 5), ինչպես նաև առողջությանը ծանր վնաս պատճառելու 10 դեպք (2024-ին՝ 15)։

Հաղորդման մեջ անդրադարձ է կատարվել նաև ոլորտում իրականացված ինստիտուցիոնալ քայլերին։

«2025 թվականի հունվարի 24-ին գործարկվել է Հայաստանում ընտանեկան և կենցաղային բռնության դեպքերի հաշվառման առաջին թվայնացված միասնական համակարգը»,- նշվում է փաստաթղթում։

Դատախազության ներկայացմամբ՝ 2025 թվականին ապահովվել է նաև ոլորտին վերաբերող մասնագիտական քննարկումներում ակտիվ ներգրավվածություն, ինչպես նաև կազմակերպվել են վերապատրաստումներ։

«2025 թվականի ապրիլի 9-ին, 10-ին և 15-ին Արդարադատության ակադեմիայում 57 դատախազ վերապատրաստվել է ընտանեկան բռնության կանխարգելման թեմայով»,- նշվում է հաղորդման մեջ։

Բացի այդ, ապրիլի 26-27-ը կազմակերպված երկօրյա դասընթացին մասնակցել է ևս 50 դատախազ։

 

Հայերեն

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը