1 րոպեի ընթերցում
Չինաստանի ֆինանսների նախարարությունը հայտարարել է, որ Կանադայի ֆինանսների նախարար Ֆրանսուա-Ֆիլիպ Շամպայնն այս շաբաթ կայցելի Չինաստան։ Այցի նպատակն է ամրապնդել ռազմավարական և տնտեսական կապերը։ Ինչպես հաղորդում է «Արմենպրես»-ը, այս մասին հայտնում է Reuters-ը։
ՉԺՀ ֆինանսների նախարարությունը հայտնել է, որ այցը տեղի կունենա ապրիլի 1-4-ը։
Կանադայի ֆինանսների նախարարի գրասենյակը ավելի վաղ տարածած հայտարարության մեջ նշել է, որ այցը կդառնա վարչապետ Մարկ Քարնիի՝ հունվարին Չինաստան կատարած այցի շարունակությունը։ Քարնին 2017 թվականից ի վեր Չինաստան այցելած Կանադայի առաջին վարչապետն էր։
Չինաստանը Կանադայի երկրորդ խոշորագույն առևտրային գործընկերն է։ Երկու երկրների միջև երկկողմանի ապրանքային առևտուրը 2025 թվականին կազմել է 124,8 միլիարդ դոլար։
Շամպայնի գրասենյակից հայտնել են, որ նախարարը կհանդիպի կառավարության և բիզնեսի առաջնորդների հետ՝ ռազմավարական գործընկերություններ կառուցելու և նոր ներդրումներ ներգրավելու համար։