1 րոպեի ընթերցում
Իրանը վերջին մի քանի ժամվա ընթացքում հրթիռային հարվածի երրորդ ալիքն է իրականացրել Իսրայելի տարածքի ուղղությամբ։ «Արմենպրես»-ի փոխանցմամբ՝ այս մասին հաղորդել է Իսլամական Հանրապետության պետական հեռուստատեսությունը։
Այլ մանրամասնություններ առայժմ չեն հաղորդվում։
Իսրայելի պաշտպանության բանակն (ԻՊԲ) իր հերթին տարբեր ժամերի հաղորդագրություններ է տարածել Telegram-ում Իրանի կողմից Իսրայելի ուղղությամբ հրթիռային հարվածների մասին՝ նշելով, որ ՀՕՊ համակարգերն աշխատում են սպառնալիքը վերացնելու ուղղությամբ։
ԻՊԲ-ն նաև հայտնել է, որ հարվածներ է հասցնում Թեհրանում տարբեր ռազմական ենթակառուցվածքների:
ԱՄՆ-ն և Իսրայելը փետրվարի 28-ից ռազմական գործողություններ են սկսել Իրանի դեմ։ Թեհրանը պատասխանել է՝ հարվածելով Իսրայելին և տարածաշրջանի երկրներում էներգետիկ օբյեկտներին և ամերիկյան ռազմաբազաներին։ Հայտարարվել է, որ կողմերի միջև բանակցություններ են ընթանում հակամարտությանը վերջ դնելու ուղղությամբ։