1 րոպեի ընթերցում
Իսրայելական ավիացիան հարվածել է Թեհրանում ծովային թևավոր հրթիռների արտադրության երկու օբյեկտի: «Արմենպրես»-ի փոխանցմամբ՝ այս մասին հաղորդել է Իսրայելի պաշտպանության բանակը (ԻՊԲ):
«Հիմնվելով ԻՊԲ-ի հետախուզական տվյալների վրա՝ Իսրայելի ռազմաօդային ուժերը վերջին օրերին հարվածներ են հասցրել Թեհրանում ծովային թևավոր հրթիռների արտադրության երկու կարևոր օբյեկտի», - ասվում է մարտի 25-ին ԻՊԲ-ի Telegram ալիքում հրապարակված հաղորդագրության մեջ։
Նշվում է, որ օբյեկտները գտնվում էին Իրանի պաշտպանության նախարարության տնօրինության ներքո և օգտագործվում էին հեռահար գործողության ծովային թևավոր հրթիռներ արտադրելու համար՝ ծովում և ցամաքում թիրախներ խոցելու համար։
ԱՄՆ-ն և Իսրայելը փետրվարի 28-ին ռազմական գործողություններ սկսեցին Իրանի դեմ, որն էլ պատասխան հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ԱՄՆ-ի ռազմական օբյեկտներին։