1 րոպեի ընթերցում
Ֆրանսիայի նախագահ Էմանուել Մակրոնն իր իրանցի գործընկեր Մասուդ Փեզեշքիանի հետ հեռախոսազրույցում բարձրացրել է Հորմուզի նեղուցով նավագնացության վերականգնման հարցը։ «Արմենպրես»-ի փոխանցմամբ՝ Ֆրանսիայի ղեկավարն այս մասին գրել է X-ում։
«Ես վերահաստատել եմ տարածաշրջանի երկրների վրա անընդունելի հարձակումները դադարեցնելու, էներգետիկ և քաղաքացիական ենթակառուցվածքների պաշտպանությունն ապահովելու և Հորմուզի նեղուցում նավագնացության ազատությունը վերականգնելու բացարձակ անհրաժեշտությունը», - գրել է Մակրոնը։
Նա հավելել է, որ Փեզեշքիանին կոչ է արել «բարեխղճորեն մասնակցել բանակցային գործընթացին՝ լարվածության թուլացման համար ճանապարհ բացելու համար» և ընդունել այնպիսի փաստաթուղթ, որը կհամապատասխանի միջազգային հանրության սպասումներին՝ կապված Իրանի միջուկային և հրթիռային ծրագրի հետ։
Փետրվարի 28-ին Իրանի դեմ ամերիկա-իսրայելական հարվածների և Իրանի պատասխան գրոհների պատճառով Հորմուզի նեղուցով նավագնացությունը գրեթե դադարել է՝ հանգեցնելով էներգակիրների գների կտրուկ աճի։