Քուվեյթի միջազգային օդանավակայանում հրդեհ է բռնկվել վառելիքի բաքի մեջ ԱԹՍ-ների ընկնելու պատճառով
1 րոպեի ընթերցում
Քուվեյթի միջազգային օդանավակայանում անօդաչու թռչող սարքերն ընկել են վառելիքի բաքի մեջ, ինչի հետևանքով հրդեհ է բռնկվել: Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հաղորդել է երկրի քաղաքացիական ավիացիայի վարչությունը։
Վարչության ներկայացուցիչ Աբդուլա ալ Ռաջիի խոսքով՝ գրոհը հանգեցրել է նյութական վնասի, զոհերի մասին առայժմ տեղեկություններ չկան։
Միջադեպի վայր են ուղարկվել հատուկ բրիգադներ՝ հրդեհը մարելու համար, հավելել է նա:
Սա արդեն երրորդ նման դեպքն է Իրանի դեմ ԱՄՆ-ի և Իսրայելի ռազմական գործողությունների մեկնարկից և Իրանի պատասխան գրոհների սկսվելուց ի վեր։
Քուվեյթի միջազգային օդանավակայանը ռազմական գործողությունների սկզբից ի վեր դադարեցրել է աշխատանքը։ Բոլոր չվերթերը վերաուղղորդվել են Սաուդյան Արաբիա։