1 րոպեի ընթերցում
Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ հաջող հարված է հասցրել Իսրայելում մի քանի թիրախի, ներառյալ օբյեկտների, որոնք պատկանում են իսրայելական հետախուզական ծառայություններին։ Այդ մասին «Արմենպրես»-ը տեղեկանում է ՏԱՍՍ գործակալությունից:
«Խեյբարշեկան, Էմադ և Սեջիլ հզոր հրթիռներով, ինչպես նաև ԻՀՊԿ-ի հարվածային անօդաչու թռչող սարքերով վարչակարգի հակաօդային պաշտպանության էշելոնային համակարգի հաջող հաղթահարումից հետո խոցվել են այդ վարչակարգի հետախուզական ծառայությունների իբրև անվտանգ օբյեկտները Թել Ավիվի հյուսիսում և կենտրոնում, վարչակարգի բանակի թիկունքի կենտրոնները Ռամաթ Գանում և Նեգևում, ինչպես նաև վարչակարգի հարավային ուժերի լոգիստիկայի և կառավարման գլխավոր կենտրոնը Բեեր Շեբայում», - նշվել է հայտարարության մեջ:
Իսրայելի և ԱՄՆ-ի կողմից փետրվարի 28-ին հասցված հարվածներից հետո Իրանը հարվածներ է հասցնում Իսրայելին և տարածաշրջանում ԱՄՆ օբյեկտներին։ Իրանում պատերազմի ընթացքում զոհերի թիվը գերազանցել է 1500-ը, Իսրայելում զոհվել է 16 մարդ, ԱՄՆ-ն հայտնել է 13 զինծառայողի զոհվելու մասին։