1 րոպեի ընթերցում
Իրանը մարտի 19-ին հրթիռով հարվածել է Իսրայելի Հայֆա քաղաքում գործող BAZAN նավթավերամշակման գործարանին։ «Արմենպրես»-ի հաղորդմամբ՝ այս մասին հայտնել է Axios-ի լրագրող Բարաք Ռավիդը։
Այլ աղբյուրներ դեռևս չեն հաստատել նշված տեղեկատվությունը։
Ավելի վաղ Tasnim լրատվական գործակալությունը վկայակոչելով Իրանի զինված ուժերի կենտրոնական շտաբի ներկայացուցչին՝ հաղորդել էր, որ իրանական կողմը դեռևս չի ավարտել պատասխանն իր էներգետիկ ենթակառուցվածքների վրա հարձակումներին։ Նշվում է, որ Իրանի զինված ուժերի հարձակողական և պաշտպանական գործողությունները շարունակվում են ուժեղացված թափով։
«Ալ Ջազիրա»-ի հաղորդմամբ՝ Իրանը մարտի 19-ին հարվածել է Պարսից ծոցի երկրների նավթագազային արդյունաբերության ընդհանուր առմամբ 6 խոշորագույն օբյեկտների՝ պատասխանելով Իսրայելի կողմից իր «Հարավային Փարս» գազային հանքավայրի ռմբակոծությանը։