Հայաստանը պատրաստ է անհրաժեշտության դեպքում հումանիտար աջակցություն ցուցաբերել Իրանին․ վարչապետ

Հայաստանը պատրաստ է սեփական նախաձեռնությամբ հումանիտար աջակցություն ցուցաբերել Իրանին, եթե նման անհրաժեշտություն առաջանա։ «Արմենպրես»-ի հաղորդմամբ՝ այս մասին լրագրողների հետ ասուլիսի ժամանակ հայտարարեց վարչապետ Նիկոլ Փաշինյանը։

Լրագրողի հարցին՝ արդյոք Իրանը դիմել է Հայաստանին հումանիտար օգնության համար և կա արդյոք նման նախաձեռնություն հայկական կողմից, վարչապետը նշեց, որ Իրանի Իսլամական Հանրապետությունը դիմելու անհրաժեշտություն չունի։

«Իրանի Իսլամական Հանրապետությունը մեզ հումանիտար օգնության հարցով դիմելու անհրաժեշտություն չունի, որովհետև ինքներս, եթե տեսնենք, որ կա որևէ հումանիտար բնույթի կարիք, որին մենք կարող ենք աջակցել՝ կանենք այդ քայլը»,- ասաց Նիկոլ Փաշինյանը։