1 րոպեի ընթերցում
Իրանը հրթիռային հարվածներ է հասցրել Իսրայելի 80 ռազմական թիրախի: «Արմենպրես»-ի փոխանցմամբ՝ այդ մասին հայտնել է Իսլամական հեղափոխության պահապանների կորպուսը (ԻՀՊԿ)։
««Ճշմարիտ խոստում 4» գործողության 63-րդ ալիքի շրջանակներում հրթիռային համակարգերով և անօդաչու թռչող սարքերով 80 տարբեր ռազմական օբյեկտ է անվրեպ խոցվել Իսրայելի հարավում և կենտրոնական մասում, այդ թվում՝ Ռիշոն լե Ցիոն քաղաքի մերձակայքում, ինչպես նաև Թել Ավիվի արևելքում և հարավում», - կորպուսի հայտարարությունը մեջբերել է IRNA գործակալությունը։
Գիշերը ԻՀՊԿ-ն նաև հայտնել է Քուվեյթում, ԱՄԷ-ում և Բահրեյնում ամերիկյան բազաների վրա գրոհների մասին։
Ավելի վաղ Իրանի նախագահ Մասուդ Փեզեշքիանը դաժան վրեժ էր խոստացել Ազգային անվտանգության գերագույն խորհրդի քարտուղար Ալի Լարիջանիի սպանության համար։ Իրանը նաև ազդարարել է առաջիկայում ԱՄՆ-ի և Իսրայելի դեմ նոր զենքի կիրառման մասին։