Մեկնարկել է Սևանա լճի ափամերձ տարածքներում օրենքի խախտմամբ օտարված գույքերը պետությանը վերադարձնելու աշխատանքը

Մեկնարկել են Սևանա լճի ափամերձ տարածքներում օրենքի խախտմամբ օտարված կամ վարձակալության հանձնված գույքերը պետությանը վերադարձնելու աշխատանքները:

«Արմենպրես»-ի փոխանցմամբ՝ մարտի 19-ի Կառավարության նիստում այս մասին հայտնեց ՀՀ գլխավոր դատախազ Աննա Վարդապետյանն՝ ընդգծելով, որ Դատախազության միջնորդագրերի կատարման արդյունքում 2025 թվականի դեկտեմբերից առ այսօր Սևանա լճի ափամերձ՝ բացարձակ նիշից ցածր 33 հողամասերում ապամոնտաժվել (քանդվել) է տարբեր անձանց կողմից ապօրինի կառուցված՝ հիմնական և ոչ հիմնական 83 շենք-շինություն, «Սևան ազգային պարկ» ՊՈԱԿ-ի կողմից լուծվել (դադարեցվել) է 2 պայմանագիր: