Իսրայելի բանակը հայտնել է Լիբանանում «Հեզբոլլահ»-ի դեմ նոր ցամաքային գործողություն սկսելու մասին

Իսրայելական զորքերը նոր ցամաքային գործողություն են սկսում Լիբանանի տարածքում արմատական «Հեզբոլլահ» շարժման դեմ։ Ինչպես հաղորդում է «Արմենպրես»-ը, այս մասին մարտի 16-ին X սոցիալական ցանցում հայտարարել են Իսրայելի պաշտպանության ուժերը։

⭕️ IDF troops have begun limited and targeted ground operations against key Hezbollah strongholds in southern Lebanon, aimed at enhancing the forward defense area.

This activity is part of broader defensive efforts to establish and strengthen a forward defensive posture, which…

— Israel Defense Forces (@IDF) March 16, 2026

«Իսրայելի պաշտպանության բանակի զորքերը սկսել են սահմանափակ և թիրախային ցամաքային գործողություններ հարավային Լիբանանում «Հեզբոլլահ»-ի հիմնական հենակետերի դեմ՝ ուղղված առաջնային պաշտպանական գոտու ամրապնդմանը»,- ասվում է հայտարարության մեջ։

Իսրայելական կողմից հայտնել են, որ «գործողությունը առաջնային պաշտպանական դիրքը ամրապնդելու պաշտպանական ջանքերի մի մասն է», որի շրջանակում նախատեսվում է «վերացնել ահաբեկիչներին»՝ հյուսիսային Իսրայելի բնակիչների համար անվտանգության լրացուցիչ շերտ ստեղծելու համար։