Ղոմ քաղաքում գտնվող Առաջնորդության փորձագետների խորհրդի շենքը հրթիռակոծվել է. խորհուրդը պետք է նշանակի ԻԻՀ նոր գերագույն հոգևոր առաջնորդին
1 րոպեի ընթերցում
Ամերիկյան և իսրայելական ուժերը հարվածել են Իրանի Ղոմ քաղաքում գտնվող Առաջնորդության փորձագետների խորհրդի շենքին։ Այդ մասին տեղեկացնում է «Արմենպրես»-ը՝ վկայակոչելով BBC-ն։
Խորհուրդը, որը կազմված է 88 հոգևորականներից, առաջադրանք է ստացել նշանակել Իրանի նոր գերագույն հոգևոր առաջնորդ՝ փոխարինելու այաթոլլահ Ալի Խամենեիին, ով սպանվել էր Իսրայելի և ԱՄՆ-ի օդային հարվածների հետևանքով։
Թեհրանում գտնվող խորհրդի գրասենյակը նախօրեին նույնպես թիրախավորվել էր։
Հստակ տեղեկություններ չկան այն մասին, թե արդյո՞ք վերջին հարվածներից հետո զոհվել կամ վիրավորվել են Առաջնորդության խորհրդի անդամները։