368.52
Իրանի ԱԳՆ-ն կոչ է արել ՄԱԿ-ի Անվտանգության խորհրդին միջոցներ ձեռնարկել Մերձավոր Արևելքի իրադրության առնչությամբ
1 րոպեի ընթերցում
Մերձավոր Արևելքում պատերազմը կարելի է դադարեցնել, եթե «ագրեսորին» կանգնեցնեն. ՄԱԿ-ի Անվտանգության խորհուրդը պետք է գործողություններ ձեռնարկի: «Արմենպրես»-ի փոխանցմամբ՝ այս մասին հայտարարել է Իրանի արտգործնախարարության պաշտոնական ներկայացուցիչ Էսմայիլ Բաղային ճեպազրույցի ժամանակ։
«Պատերազմը դադարեցնելու ճանապարհն այն է, որ նրանք պետք է ագրեսորին կանգնեցնեն։ ՄԱԿ-ի Անվտանգության խորհուրդը պարտավորություն ունի. եթե ցանկանա, ապա կարող է դա անել», - Բաղայիի խոսքը մեջբերել է Fars գործակալությունը։
Պաշտոնյան հայտարարել է, որ համաշխարհային հանրությունը պետք է համապատասխան որոշում ընդունի՝ «նախքան այլ վայրեր պատերազմի տարածվելը», և ստիպի կողմերին, «որոնք իրականացրել են ագրեսիան», դադարեցնել այն։
Իսրայելը և ԱՄՆ-ն փետրվարի 28-ից հարվածներ են հասցնում Իրանին, որն էլ պատասխան հարվածներ է հասցնում Իսրայելին և տարածաշրջանի երկրներում գտնվող ամերիկյան ռազմաբազաներին և էներգետիկ օբյեկտներին։
Բաժանորդագրվեք մեր ալիքին Telegram-ում