ՄԱԿ գլխավոր քարտուղարը դատապարտել է ԱՄՆ-ի և Իսրայելի հարձակումները Իրանի վրա ու Թեհրանի պատասխան հարվածները
1 րոպեի ընթերցում
ՄԱԿ-ի Անվտանգության խորհուրդը փետրվարի 28-ի երեկոյան արտահերթ նիստ է անցկացրել՝ քննարկելու համար Իրանի շուրջ ստեղծված իրավիճակը ԱՄՆ-ի և Իսրայելի զանգվածային հարվածներից հետո։
«Արմենպրես»-ի հաղորդմամբ` ՄԱԿ գլխավոր քարտուղար Անտոնիո Գուտերեշը դատապարտել է ինչպես այս հարվածները, այնպես էլ Թեհրանի պատասխան հարձակումները, որոնք, ինչպես ընդգծել է Գուտերեշը, «խախտել են Բահրեյնի, Իրաքի, Հորդանանի, Քուվեյթի, Կատարի, Սաուդյան Արաբիայի և ԱՄԷ-ի ինքնիշխանությունը»։
Գուտերեշը Մերձավոր Արևելքում տեղի ունեցող իրադարձությունները անվանել է «լուրջ սպառնալիք միջազգային խաղաղության և անվտանգության համար» ու հղում արել ՄԱԿ-ի կանոնադրությամբ ամրագրված ուժի կիրառման արգելքին։