ԱՄՆ-ն առաջընթաց է գրանցում թե՛ Ռուսաստանի, թե՛ Ուկրաինայի հետ հարաբերություններում. Ջեյ Դի Վենս
1 րոպեի ընթերցում
ԱՄՆ-ն Ուկրաինայի ճգնաժամի հարցում առաջընթաց է գրանցում ինչպես Ռուսաստանի, այնպես էլ Կիևի իշխանությունների հետ խաղաղ բանակցություններում, և ԱՄՆ նախագահ Դոնալդ Թրամփը լավատեսորեն է տրամադրված հակամարտության ավարտի հեռանկարների նկատմամբ։
Ինչպես հաղորդում է «Արմենպրես»-ը, վկայակոչելով «ՏԱՍՍ»-ը, այս մասին հայտարարել է ԱՄՆ փոխնախագահ Ջեյ Դի Վենսը։
«Կարծում եմ՝ մենք առաջընթաց ենք գրանցում և՛ ռուսների, և՛ ուկրաինացիների հետ, պարզապես պետք է շարունակենք աշխատել այդ ուղղությամբ», - ասել է Վենսը Fox News-ին տված հարցազրույցում։ «Նախագահն այս պահին շատ լավատես է և կարծում է, որ մենք կարող ենք սա հաջող ավարտի հասցնել»,-ընդգծել է նա։