1 րոպեի ընթերցում
Լեհաստանը ցանկանում է իր բանակի թվաքանակը հասցնել 500 հազարի։
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին լրագրողներին հայտնել է Լեհաստանի պաշտպանության նախարար Վլադիսլավ Կոսինյակ-Կամիշը։
Վերջին պաշտոնական տվյալների համաձայն՝ լեհական բանակում կա 218 հազար մարդ։
«Կես միլիոնանոց բանակ։ Սա մի քանի տարվա ռազմավարական նպատակ է, որը մենք կիրականացնենք», - նշել է Կոսինյակ-Կամիշը։
Նա ընդգծել է, որ դա վերաբերում է և՛ պրոֆեսիոնալ բանակին, և՛ տարածքային պաշտպանության ուժերին։ «Սա և՛ պրոֆեսիոնալ բանակ է, և՛ տարածքային պաշտպանության պահեստազոր։ Եվ մենք այս տարի մեծ ուշադրություն կդարձնենք այս բարձր պատրաստվածության պահեստազորին», - ընդգծել է նախարարը։