Արթուր Ավետիսյանը մարմնամարզության աշխարհի գավաթում դարձել է ոսկե մեդալակիր, Մամիկոն Խաչատրյանը` արծաթե

Հայաստանի սպորտային մարմնամարզության հավաքականի անդամները մեդալներ են նվաճել աշխարհի գավաթի խաղարկության առաջին փուլում:

«Արմենպրես»-ի հաղորդմամբ` գերմանական Կոտբոս քաղաքում կայացած աշխարհի գավաթի խաղարկության առաջին փուլում օղակների վարժության ոսկե մեդալակիր է դարձել Արթուր Ավետիսյանը: 

Նժույգ-թափերում արծաթ է նվաճել աշխարհի և Եվրոպայի փոխչեմպիոն Մամիկոն Խաչատրյանը:

Գավաթի խաղարկության երկրորդ փուլը կկայանա Բաքվում, որին Հայաստանի հավաքականը չի մասնակցի, իսկ երրորդ փուլը` Անթալիայում: