Կիևը պետք է արագ նստի բանակցությունների սեղանի շուրջ. Թրամփ

ԱՄՆ նախագահ Դոնալդ Թրամփը կարևոր է համարել Ժնևում մեկնարկող բանակցությունները ԱՄՆ-ի, ՌԴ-ի և Ուկրաինայի ներկայացուցիչների միջև։ «Արմենպրես»-ի փոխանցմամբ՝ այս մասին նա ասել է նախագահական ինքնաթիռում լրագրողների հետ զրույցում, որի տեսանյութը տարածել է Սպիտակ տունը։

«Ուկրաինան լավ կանի, որ արագ նստի բանակցությունների սեղանի շուրջ։ Այսքանը կասեմ ձեզ», - ասել է Թրամփը։

Այն հարցին, թե ինչ է ակնկալում ԱՄՆ նախագահն առաջիկա բանակցություններից, նա ասել է, որ կարևոր բանակցություններ են սպասվում, և դրանք «շատ հեշտ» կլինեն։

Ժնևում փետրվարի 17-ին մեկնարկում է ռուս-ուկրաինական հակամարտության կարգավորման շուրջ ՌԴ-ԱՄՆ-Ուկրաինա բանակցությունների երրորդ փուլը։

Եռակողմ բանակցությունների առաջին փուլը տեղի է ունեցել հունվարի 23-24-ին՝ Աբու Դաբիում, երկրորդը՝ փետրվարի 4-5-ին՝ նույնպես ԱՄԷ մայրաքաղաքում։