1 րոպեի ընթերցում
Պարեկների և փրկարարների օպերատիվ աշխատանքի արդյունքում Շիրակի մարզում ինքնասպանության փորձ է կանխվել։
«Արմենպրես»-ի հաղորդմամբ՝ այս մասին հայտնում է ՀՀ ՆԳՆ-ն։
Շիրակի մարզային փրկարարական վարչության ճգնաժամային կառավարման կենտրոնը փետրվարի 6-ին՝ ժամը 19։44-ին, ահազանգ է ստացել, որ քաղաքացին ցանկանում է ինքնասպանություն գործել՝ նետվելով կամրջից։
Դեպքի վայր են մեկնել մարզի փրկարարներն ու պարեկները։
Պարեկների և փրկարարների օպերատիվ ու արհեստավարժ աշխատանքի շնորհիվ քաղաքացու ինքնասպանության փորձը կանխվել է․ նա տեղափոխվել է ՆԳՆ ոստիկանության Արթիկի բաժին:
Ոստիկանների ու փրկարարների համատեղ գործողությունների արդյունքում հերթական նման իրավիճակը հաղթահարվեց առանց մարդկային կորուստների։