ԱՄՆ-ն և Ռուսաստանը համաձայնել են վերսկսել բարձր մակարդակի ռազմական երկխոսությունը

Աբու Դաբիում կայացած բանակցությունների ընթացքում Ռուսաստանի և ԱՄՆ-ի ներկայացուցիչները համաձայնության են եկել վերսկսել բարձր մակարդակի ռազմական երկխոսությունը։

Ինչպես հաղորդում է «Արմենպրես»-ը, վկայակոչելով «Ինտերֆաքս»-ը, այս մասին փետրվարի 5-ին հայտնել է ԱՄՆ Եվրոպական հրամանատարությունը (EUCOM):

Հայտարարության մեջ նշվում է, որ այս երկխոսությունը կասեցվել է 2021 թվականի աշնանը։

Ընդգծվում է, որ այս հաղորդակցման ուղին կողմերին թույլ կտա պահպանել մշտական ​​կապ՝ նրանց հնարավորություն տալով աշխատել համաշխարհային կայունությունը պահպանելու ուղղությամբ։

«Զինվորականների միջև երկխոսության պահպանումը կարևոր է համաշխարհային կայունության և խաղաղության համար  և ապահովում է գործիքներ թափանցիկության բարձրացման և լարվածության թուլացման համար», - ասվում է հայտարարության մեջ։