Հունաստանում ՀՀ դեսպանն ընդունել է Արթաքի Քալփաքյան կրթօջախի նախադպրոցական և տարրական դասարանների աշակերտներին և ուսուցիչներին
1 րոպեի ընթերցում
Հունաստանում Հայաստանի Հանրապետության դեսպանությունը հյուրընկալել է Հայկական Բարեգործական Ընդհանուր Միության Արթաքի Քալփաքյան կրթօջախի նախադպրոցական և տարրական դասարանների աշակերտներին, ուսուցչական անձնակազմին և դպրոցի ղեկավարությանն՝ ամփոփելով դպրոցների Ամանորի տոնական այցելությունների շրջանը։
Ինչպես «Արմենպրես»-ը տեղեկանում է դեսպանության տարածած հաղորդագրությունից, դեսպան Տիգրան Մկրտչյանը ողջույնի խոսքեր է հղել փոքրիկներին և նրանց մաղթել ուսման մեջ հաջողություններ և ձեռքբերումներ։
Աշակերտները ներկայացրել են երգեր և բանաստեղծություններ, որոնք նվիրված էին նաև Զինված ուժերի կազմավորման 34-րդ տարեդարձին։
Միջոցառման ավարտին աշակերտները ստացել են հայկական քաղցրավենիքներ դեսպանության անունից։