1 րոպեի ընթերցում
ՀՀ ԱԳՆ գլխավոր քարտուղար Դավիթ Կարապետյանն ու Էստոնիայի ԱԳՆ գլխավոր քարտուղար Ջոնաթան Վսևովին հանդիպել և քննարկել են երկկողմ և բազմակողմ հարթակներում հաստատված համագործակցության հետագա խորացման հեռանկարներին առնչվող հարցեր՝ այս համատեքստում ընգդծելով երկու երկրների արտաքին գերատեսչությունների միջև ձևավորված արդյունավետ փոխգործակցությունը:
«Արմենպրես»-ի հաղորդմամբ՝ ՀՀ ԱԳՆ-ից հայտնում են, որ անդրադարձ է կատարվել 2026 թվականի մայիսին Երևանում կայանալիք Եվրոպական քաղաքական համայնքի 8-րդ գագաթաժողովի և «Երևանյան երկխոսություն» համաժողովի նախապատրաստական աշխատանքներին առնչվող հարցերի:
Զրուցակիցները մտքեր են փոխանակել նաև փոխադարձ հետաքրքրություն ներկայացնող միջազգային և տարածաշրջանային հարցերի շուրջ: Դավիթ Կարապետյանը զրուցակցին է ներկայացրել Հարավային Կովկասում զարգացումները, այդ թվում նաև «Թրամփի ուղի՝ հանուն միջազգային խաղաղության և բարգավաճման» նախագծի (ԹՐԻՓՓ) իրականացման շրջանակի ընդունումը՝ ընդգծելով վերջինիս, ինչպես նաև տարածաշրջանային փոխկապակցվածության զարգացմանն ուղղված այլ ծրագրերի կյանքի կոչմամբ ակնկալվող տնտեսական հնարավորությունները: