1 րոպեի ընթերցում
Վաղարշապատի համայնքապետարանի և «Արմավիրի զարգացման կենտրոն» ՀԿ-ի միջև ստորագրված համագործակցության հուշագրի շրջանակում Վաղարշապատ համայնքի ղեկավար Արգիշտի Մեխակյանն այցելեց երեխաների աջակցության «Արևածագ» կենտրոն։
«Արմենպրես»-ի փոխանցմամբ՝ այս մասին հաղորդագրություն է տարածել Վաղարշապատի համայնքապետարանը։
«Այցի ընթացքում տեղի ունեցավ հանդիպում կենտրոնի շահառու երեխաների ծնողների հետ, որի ընթացքում քննարկվեցին երեխաների առկա խնդիրները, սոցիալական ու հոգեբանական աջակցության ուղղությունները, ինչպես նաև ընտանիքների հետ տարվող աշխատանքի արդյունավետության բարձրացման հնարավորությունները։
Կարևորվեց կյանքի դժվարին իրավիճակում հայտնված և խոցելի երեխաների վաղ հայտնաբերումը, կանխարգելիչ աշխատանքների իրականացումը և նրանց համակողմանի աջակցությունը՝ համայնք–կենտրոն սերտ համագործակցության միջոցով։
Այցը ևս մեկ անգամ ընդգծեց երեխաների իրավունքների պաշտպանության, նրանց լավագույն շահերի ապահովման և անվտանգ ու զարգացնող միջավայրի ստեղծման ուղղությամբ իրականացվող հետևողական աշխատանքների կարևորությունը»,- ասված է հաղորդագրության մեջ։