1 րոպեի ընթերցում
ՀՀ պաշտպանության նախարարությունը հերքում է սոցիալական ցանցերում տարածվող տեղեկությունները, թե Զինված ուժերի գլխավոր շտաբի պետ Էդվարդ Ասրյանի ընտանիքի անդամները այլ երկրի քաղաքացիներ են։ «Արմենպրես»-ի հաղորդմամբ՝ այս մասին «Ֆեյսբուք»-ի իր էջում գրել է ՀՀ ՊՆ մամուլի քարտուղար Արամ Թորոսյանը։
«Սոցիալական ցանցերի որոշ օգտատերեր, բանից անտեղյակ, շրջանառության մեջ են դրել ԶՈՒ գլխավոր շտաբի պետի ընտանիքի անդամների՝ այլ երկրի քաղաքացի լինելու վերաբերյալ անհիմն տեղեկություններ:
Եվս մեկ անգամ տեղեկացնում ենք հանրությանն ու ԶԼՄ գործընկերներին, որ Էդվարդ Ասրյանի ընտանիքի բոլոր անդամները Հայաստանի Հանրապետության քաղաքացիներ են։ Ավելին՝ նրա որդին «Պատիվ ունեմ» ծրագրի շահառու է»,- գրել է ՊՆ մամուլի քարտուղարը։