1 րոպեի ընթերցում
Դպրոցներում թմրամիջոցների շրջանառության կանխարգելման ուղղությամբ միջգերատեսչական աշխատանքներ են տարվում։
«Արմենպրես»-ի հաղորդմամբ՝ հունվարի 7-ի ասուլիսին, անդրադառնալով դպրոցներում թմրանյութերի շրջանառության ահազանգերի մասին հարցին, ԿԳՄՍ նախարար Ժաննա Անդրեասյանը նախ նշեց, որ աշակերտների, ուսուցիչների իրազեկվածությունը բարձրացնելու նպատակով ուսումնական տարին հայտարարվել է «Անվտանգ և ապահով կրթության տարի»։
«Մենք մեր կողմից շատ աչալուրջ ենք։ Մեր բոլոր դպրոցները, վստահաբար, տեղեկացված են և առաջին ահազանգողն են այն դեպքերում, երբ նկատում են որևէ կասկածելի բան։ Ցավոք, թմրանյութերն այսօրվա իրականության մի մասն են, որը չպետք է լինի, բայց կա, և դպրոցները պաշտպանվելու կարիք ունեն»,-ասաց նախարարը՝ այդ առումով կարևորելով անվտանգության ստանդարտների սահմանումն ու իրացումը։