Լեհաստանի վարչապետը հայտարարություն է արել Ուկրաինայում հավանական խաղաղության հաստատման մասին՝ նշելով ժամկետներ
1 րոպեի ընթերցում
Լեհաստանի վարչապետ Դոնալդ Տուսկը եվրոպական այլ առաջնորդների, Կանադայի և ՆԱՏՕ-ի հետ բանակցություններից հետո հայտարարել է, որ Ուկրաինայում խաղաղության կարելի է հասնել առաջիկա շաբաթներին։ Այդ մասին տեղեկացնում է «Արմենպրես»-ը՝ վկայակոչելով Reuters-ը։
«Խաղաղությունը շատ մոտ է, անկասկած տեղի են ունեցել իրադարձություններ, որոնք հիմք են տալիս հույս ունենալու, որ այս պատերազմը կարող է բավականին արագ ավարտվել, բայց դա դեռ հույս է, որը հեռու է հարյուր տոկոսանոց վստահությունից»,- ասել է Տուսկը։
Լեհաստանի վարչապետը պարզաբանել է, որ «խաղաղությունը շատ մոտ է» արտահայտությամբ նկատի ունի առաջիկա շաբաթները, այլ ոչ թե ամիսները կամ տարիները։